MIZO MI HMASA LEH BER KAI TE

- Zautea

All India Radio Station Aizawla thu leh hla (Literary Magazine) huna thusawi thin zinga naupang ber chu KC Vanlalruata kum 21 ah ‘Laithangpuia leh a hla te’ tih a sawi.
All India Radio, Aizawl Station-a zaithiam aw khung hmasa ber chu Thantluangi, 1957.
Audio Album Mizo zinga siam hmasa ber – ZODI
BBC Radio ah, Mizo hla saa Mizo chanchin sawi hmasa ber – Lalziki Sailo, 1928.
Bible bu pum neih hmasak ber – 1959, aman Rs. 5
Book of the year (Drama) dawng hmasa ber – Laltluangliana Khiangte, 1997 (Pasaltha Khuangchera)
Hla phuah thiam hmasa ber – Pi Hmuaki
Hlapui (Anthem) phuah hmasa ber – Hranglamthanga (Lama) 1925 ah. ‘Lalberte Lalber’ a phuah.
Hotel changkang leh Club lian hrang hrang a Music tum a che kual hmasa ber – PS Chawngthu, 1945-55
Kristian hlabu chhut hmasak ber – 1899, Hla 18 a awm.
Kum za kalta chhunga Mizo zinga hlaphuah thiam ber (Peot of the century, 1900-99) Rokunga.
Kum za kalta chhunga Mizo zinga thuziak thiam ber (Writer of the century, 1900-99) KC Lalvunga.
Lehkha thawn hmasa ber – Khamliana Sailo Lungleng Lal, 1894.
Lehkhabu ziaktu awm lo chhuak hmasa ber – Zoram khawvar hun nghakin, 1991.
Lehkhabu, Mizo in Sap twang a ziak chhuah hmasak ber – God’s Miracle in Mizoram – Zairema, 1978 leh The Mizo’s – LB Thanga, 1978.
Lehkhabu, Solfa chung chang tihchhuah hmasak ber – Solfa Zirdan bu (Rev.DE Jones) Phek 64 a chhah, 1910.
Lehkhabu, Mizo twang a bu hming hmasa ber – ‘Mizo zirtir bu’ (Lushai Primier) phek 10 a chhah, 1896.
Male Voice (Mipa zaiho pawl) hmasa ber – Mission Veng Male Voice, 1957.
Mizo tawng Essay puitling ziak hmasa ber – Kaphleia 24.9.1931. Essay hming – Thlirtu
Mizo tawnga Kristian hla kan neih hmasak ber ‘Isua Vanah a awm a’ tih a ni. Kum 1895 khan Pu Buanga leh Sap Upate’n an siam.
Mizo film hmasa ber – Ka nu khawnge I awm?
Mizo Writers Association din chhuak tu – C. Rokhuma, 1978, President hmasa ber a ni bawk.
Mizo zaithiam bera thlan hmasak ber (Hmeichhia) – Siampuii Sailo, 1968.
Novel hmasa ber Hawilopari ziaktu – L.Biakliana, 1936.
Solo (Mipa) Mizoram Biak in hrang hranga zaia rawngbawl hmasa ber – Liangkhaia, 1930.
Solo-a hmeichhe hmingthang hmasa ber – Darkhami (1904).
Tonic Solfa zirna a Intermediate pass hmasa ber – Rev. Liangkhaia, 1913-15.
Top Grade Artist hmasa ber – Vanhlupuii.
Violin Mizorama chingchhuaktu – Vankhama, 1926.
Zaithiam zinga mimal (Mizoram) album siam hnem ber – Lalsangzuali Sailo, Album 27 a siam.
Zosapthara Award dawng hmasa ber – B. Lalthangliana.
Chawimawina Award dawng hnem ber – C. Dinthanga
Chhang siam hmasa ber – Darromawii (Pi Darteii), 1929.
Driver hmasa ber – Chalmawia, Durtlang, 1934 hma lamah.
Fa ngah (ril a rah) ber – Ziona, Baktawng, Fa 77 a nei. (in 2004)
Fa ngah ber – Sangthankima Sailo. Fa 300 chuang a nei tawh.
Feren Antam, Mizorama chingchhuaktu/ching hmasa ber Sainghinga. France ram atangin a rawn hawn.
Film, Mizopa chanchin hnam dangin a an chan hmasak ber – HT Sangliana.
Film, Mizopa thawnthu ziak, hnamdangin an chan hmasak ber – Hmangaih Zoramthangi, Dr. H. Lallungmuana ziak.
Khaihlum hmasak ber te – Lamsuaka leh Chala, 1900.
Lei-tih-thatna (Fertilizer) hmang hmasa ber – JF Laldailova, 1950.
London a kal hmasa ber – Challiana & Chuautera, 1907.
Lung Mistiri hmasa ber – Lera, 1930.
Miss Aizawl hmasa ber – Zohlupuii, 1985.
Miss Mizo hmasa ber – Lalbiakzuali, 1986.
Miss Mizoram hmasa ber – Brigitte Zohmingi, 1983.
Mizo Lal zinga fa ngah ber Zataia Sailo (1864-1964), Khawhai Lal niin, fa (mipa-17, hmeichhia-17, avaiin 34). Nupui pahnih neiin hmei pali a nei bawk.
Mizo nula Sap pasal nei hmasa ber – Dari
Mizo nula, Vai pasal nei hmasa ber – Tuahkhawli
Mizo zinga dam rei ber – Zika, Mualpheng, (Kum 110 a dam), kum 1991 khan a thi ta a ni.
Mizo zinga Officer kai hmasa ber – Doluta, 1892.
Mizoram Beauty Contest a Lallukhum khum hmasa ber – Zohmingliani, 1969.
Mizoram chhunga Motor khalh lut hmasa ber – C. Rochhinga, 1942.
Mizorama Driver Award dawng hmasa ber – Lalsangzuala (Patea)
Motor nei hmas ber – Pachhunga leh Hmingliana te’n an intawm.
Nupui ngah ber – Ziona (2004 thlengin nupui pawm lai 46 a nei).
Pastor ordained kan neih hmasak ber – Rev. Chhuahkhama, 1913.
Presbyterian Hospital, Durtlangah Dt. 27. Jan. 2008, Dar 10:30 am khan naute Kg 6 leh gr. 300 a piang a, he naute hi Mizoram naupiang (mipa) ah chuan lian ber nia hriat a ni. Nau zai chhuak tu – Dr. K Lalremmawia. Naute nu – Pi Lalthakimi, kum 37, Rangvamual, Nau pasarih a hrinna a ni.
Press lam hna zir chhuak hmasa ber – Kailuia, 1912.
Private Hospital din hmasa ber – Dr. Lalbuatsaiha Ralte, 1992 ah Greenwood Hospital a din.
Pu Buanga Award hmeichhe dawng hmasa ber – Lalsangzuali Sailo.
Radio nei hmasa ber – Dr. Pika, Kulikawn, 1945.
Rangva in nei hmasa ber – Khamliana, 1918.
Ruhro khuallian ni hmasa ber – Taitesena ruh ro(Kum 1976 YMA General Conference ah khuallian a ni).
Sai kap tam ber – Lalzuala, Sai 140 vel a kap nia hriat a ni.
Sai nei hmasa ber – Dohnuna
Sakei kap tam ber – Saihnuna Sailo, Sakei sawm a kap.
Sam sei ber – Lalsangzuali Sailo, 91 inches a sei a ni.
Sang ber – Tumpanga, NE Khawdungsei feet 6 leh inches 7.
Saving account nei hmasa ber – Khamliana, 1918.
Ser huan siam hmasa ber – Vanhlira, 1882-1944.
Suamhmang hmasa ber – Lamsuaka leh Chala
Teenage Queen hmasa ber – Zotluangpuii, 1989.
Thisen pe hnem ber – Lalawmpuia, vawi 50 a pe tawh. 2005.
Tihtlak deuh a Mizo History ziaktu hmasa ber – Rev. Liangkhaia (Hrangchina) 1926.
Tlangval hnahkhat nupui nei har (lengrei) ber – Malsawma Colney.
Tractor nei hmasa ber – C. Rochhinga
Zawlnei thu hrilhlawk tu hmasa ber – Pu Ha-a (Khampat Bung zar in lei a phiah hunah, Mizote Khampat hmuna kir leh tur thu a hril lawk).
Zofa, lehkha zira ram danga chhuak hmasa ber te – Thanga, Lalhuta, Leta, Laltawnga, Dohleia, Khawnghinga, Kum 1907 ah High School a zir turin Shillong ah an kal.
Zorama Krismas hmang hmasa ber tu te – Zosapthara, Khuma, Khara, Thianga te, Kum 1903 ah an hmang tan.
Computer nei hmasa ber – Economic & Statistic Dept. 1986.
Khuang lian ber – Gospel Centenary Khuang. A len lam 7.10 ft, a sei lam 6 ft. Kum 1994 a siam a ni. Lianhmingthanga Sailo, Champhai Vengthlang Sial vun hman a ni.
Lammual laih tan nana sum an hmanral zat chu Rs. 1200 a ni.
Motor (Bus) chesual (Accident) a mihring thih hnemna ber Kawnpui dai, thi zat 33, hliam zat 28, Dt. 7.7.1981.
Recording Studio hmasa ber – OTTO Recording Studio, 1979.
School hmasa ber – Kum 1899 ah sak a ni.
School hmasa ber ni 1 April, 1894 ah Sap Upa leh Pu Buanga ten an hawng. Zirtirtu 2 an awm Bawlhmunah hawn a ni.
Star TV tichhuak hmasa ber – Skylinks, July 1990.
Londona lehkha zir hmasa ber – Ch. Pasena, 1925.
Zoram puma School hmasa ber – Lalluaua khua, Khawngbawk-ah.
Zofate zinga USA leilung rap hmasa ber – Rev. Dr. Lalthanliana, 1935.
USA a lehkha zir hmasa ber – Rev. Dr. Lalthanliana 1935.
Mizo hmeichhia Krista tana martar hmasa ber – Lalsangliani 6, August 1986
Mizo mipa Krista tana martar hmasa ber – Tv. Vanlalliana 1966, Vaseitlang.

INDOPUI 3-NA A HNAI EM?

-Unknown

Ram leh ram inkârah te, pâwl leh pâwl inkârah te, hnam leh hnam inkârah te tharum thawha ralthuam nena indona a thleng deuh reng a, indopui (World
War) tia sawi erawh chu tum hnih chiah a awm.

Indopui I-na chu kum 1914-ah a chhuak a, mihring maktaduai 10 chuang an thi a; a aia râpthlak zâwk, nuclear ralthuam hial hman tanna indopui II-na chu kum 1939-ah a intan a, kum 6 chhunga indonaah
maktaduai 60 vêlin nunna an chân phah a, in leh hmun tha tam tak a chhia a, ei-bar zawnna nasa takin a tlahiam bawk a, rapthlak tak a ni tih mai loh chu sawi
fiahna dang a awm chuang awm lo ve.
Heng indonate hi mi dangte nêkchêp duh khawp hiala mahni hamthatna chauh ngaihtuahna thinlung pir tak atanga lo irh chhuak a ni deuh vek a.

Indopui III-na nawr chhuaktu tur pawh duhâmna rilru atang thovin a intan ang tih hi khawvela thil thleng mêkte hian min
hrilh fiah chiang hle awm e. Middle East-a buaina a sosâng zual zêl a, Palestinian-
hovin an puala ram an neih theih nan tan an la ngawrh sauh sauh thla atimuang zan lem lo.

An thiltum hian khawvel a sawi che nasa zual a, khawvel mipuiten thil lo thleng tur an inrinsiak mêk a ni. UN-in an dilna chu
pawmpui ta se, engtin nge khawvel hi a kal zêl ang? Remna a awm phah ang nge, kan buai zual dawn?

Thu dangah pakai rih lawk ang. Kum 2011 atang khan a hmalam kum dang aiin tualchhung buaina (civil war) a tam a, a bikin Arab ramah a hluar. Khuarel chhiatna pawh Bible hrilh-lâwkna angin a rapthlak sâwt em em a, a thleng zing hle bawk.

Khawvel ei-bar zawnna pawhin ziaawm lam a pan hlei thei chuang lo va, Super Power awm chhun USA pawh leiba avangin a tâl buai ta hle a, dollar hlutna pawh a tlahniam zêl bawk. Hei hian eng nge a nghawng chhuah ang? Tun hmaa ram changkang zâwkten an tih thin angin US chuan a mamawh phuhrûk nan ram
dang thau a sâwk leh ngei dawn tihna a ni.

Leihriak (oil) an duh khawp an neih theih nan Arab ramte a tlawn lungawi a ngai ang. A nih loh vêk leh, indona mualah a hnûk lût lui ang. Kum 2001 September 11-ah Muslim firfiakten New York-a World Trade Center an su chhia a, firfiakho bu
khuarna Afghanistan a rûn nghal a. A hnu lawkah US President George W. Bush-an Iraq, Iran leh North Korea-te chu sual inthlunzawmna (Axis of Evil) tiin
hmelma lianah a târ a. Mi tam tak tihhlum puk theihna ralthuam (Weapon of Mass Destruction) neia puhin Iraq a bei leh ta chiam a, Saddam Hussein-a pawh man a ni a, an khaihlum a nih kha. Osama Bin Laden-a kaihhruai Muslim firfiak pâwl Al-Qaida chu an insangmar sauh sauh va, US leh a sangawi zâwnpuite chu tihchhiat an tum fan a. US-in hun rei tak an veh hnuah 2011 May khan Bin Laden-a chu an that ta a.

Mahse, firfiakho chuan an tha an thlah duh awzawng lo va, chawlh hlekna siamsak ang lek chauh a ni. Firfiak do kawngah US leh Russia hi thawk tlâng tha
tak angin lang mah se, ram dang thu-ah puan zâr phêna hrui chelhtu an ni a, intihchhiat an tum rân ve ve a. Iran-in nuclear ralthuam a neih theihna tura tanpuitu rinawm chu Russia a ni a; kawng pinsak tumtu chu US a ni thung.

Khawvel map ata Israel ram chawhreh duh chu Iran a ni ve leh bawk. Juda darhho chu mak tak maia hruai khâwm an ni ta. “I tho vang a, Zion tlâng chu i khawngaih ang; ani chu khaw-ngaih a hun tawh si a, a ni, hun ruat chu a thleng
ta si a…; LALPA chuan Zion khua chu a din leh ta si a,” (Sam 102:13, 16) tih chu 1896-ah Juda pachal Dr. Theodor Herzl-a hmangin a rawn inmung tan ta a,
“Judate Ram” tih lehkha-phêk a ziah atangin Zionist Movement a intan a. Ni tla sêng lova roreltu British ram ropui chuan Africa-a Uganda-ah ram pêk lo tum
tawh mah se, an mamawh lai taka silaimu siam chhuah dan hmu chhuaktu Juda Scientist ropui Dr. Chaim Weizmann-a avangin an pi leh pute lu phûmna hmun ngeia kir an phalsak ta a.

Isaia 11:12-a, “…Israel hnawh chhuahhote chu a hruai khâwm ang a, Juda darhhote kawlkil li ata chu a hruai khâwm ang,” tih hi mi thenkhatin Babulon saltâng an kir leh hun tur sawina angin an hrilhfiah a; mahse, a dik lo. Kawlkil li tia koh hi Babulon hian a phu lo va, mi tumahin hetiang hian an hrilhfiah thiang lo bawk.
Babulon chu Israel hmar chhak lamah a awm tlat vang a ni.

Israel hi Rome thu-hnuaiah AD 614 thleng a awm a, Emperor Hadriana thupêkin Judate chu Palestina-ah an awm phal a ni ta lo va, Jerusalem pawh luahtu
awm lo khawpa chhut chhiat vek a ni. Tichuan, Persia, Aigupta leh Turk-ho thuhnuaiah te an awm a; 1099-1187 kha Crusader-ho hun chhung a ni. Kum
1700 chhung zet chu he ram hi Judaten an luah ta lo va. Kum 1870 atangin Turk lalte chuan Palestina-ah chênna hmun tur lei an phalsak ta a, Juda-ho pawh an
insuan lût zeuh zeuh thei ta. 1917-ah British-in Turk-ho hnehin Palestina a awp a. 1948 May 14-ah independence an hmu. British-in a chhuahsan atangin a thenawm ramte nen an indo nghal a, indona lian
zualte chu: Sinai Indona (Suez Crisis, 1956), Ni ruk indona (1967), Yom Kippur indona (1973), Gulf indona (1990) te a ni.

Heng indonaah hian mak tak maiin Israel chuan hnehna an chang deuh zêl. Israel
sipaite hi sipai nun an zir lai aiin indona hmunah an che tha zâwk tlat thin hi mak tak a ni. Pathian hian a duha a thlante chu a awmpui zêl tih mai loh chu sawi tur dang a awm lo.

Israel leh Palestinian-ho inkârah remna a awm theih nana thahnemngaihnain awmzia a nei thei ta lo emaw tih mai turin inbiakna a la tlawlh tluang zêl. Eng emawah inremna thuthlung siam ve bawk thin mah se, remna tluantling a awm thei tak tak lo. US President Barack Obama-a chuan Jerusalem chhuahlam chu Palestinian-ho tana sahthlâksak tur leh
1967 hmaa ramri siam anga kalpui turin Israel a nawr a.

President Obama-a hi Juda dodaltu (anti-Israel)-ahan ngai. Hei vang hian Middle East atanga indopui III-na tichhuaktu tur a nih mai rin a ni. Arab ramte leihriak a ît avangin Israel hmelmate a be chhe ngam
lo. Mahse, Israel Prime Minister Benjamin Netanyahu-a thuvawn chu “Israel ram hi then hran a ni leh tawh ngai lo vang” tih hi a ni bur mai. Ni ruk indo laia Israel-in Jerusalem a lâk khan Defense Minister Moshe Dayan-a chuan, “Tunah chuan kan hmun roh ber leh hmun thianghlim ber awmna chu kan thleng ta, kan chhuahsan leh tawh lo vang,” a ti. Hetiang hi Israel
mipuite rilru a ni tlat. Chu vangin, Jerusalem then hrang zawnga hmalâkna chu Israel hian a pawm thei dawn lo.

Mahse, Jerusalem then hranna tur
ruahmanna chu a kal chho muah muah zêl mai si a! An remti lo chunga then hran a nih chuan inremna thuthlung an siam tawh zawng zawng hlih a ni ang a, a duh danin Gaza leh West Bank a rûn dawn a ni. Chu veleh Palestinian-ho thlavang hauhvin Arab ramten an ralthuam neih that ber berte nen Israel an sual rawn
nghal ang. tunah pawh Israel nula te an tah mek tak hi.

Gen.12:3-ah Abrahama leh a thlahte chungthuah Pathianin, “Malsawmsaktu apiang che chu mal ka sâwm ang a, anchhe lawhtu che chu anchhia ka lawh
ang,” a ti a. Hei hi tun thlengin a la thleng dik. Kum 1939 khan British chuan Arab ramte leihriak a duh vangin Israel laka a thutiam a hlen lo va, a thu zûk lehin Arab-ho lamah a tang leh thut a. US President
Truman-a ngenna pawh ngaithla lovin Judate chu an ramah kum khat chhungin mi 15,000 chauh kir a phalsak a, lawnga ram thianghlim (Israel) pante pawh
a kâp pil teuh va. Rei lovah Great Britain nihna ropui tak chu hlohvin ram tê tak tê a nih phah a. Israel Prime Minister Ariel Sharon-a chuan Palestinian-ho chên nan
tihluihnain Gaza Strip leh West Bank-a Juda-ho chu a sawn chhuak a. Natna mak takin a thih phah bawk.

Tun lai hian Israel chuan a ram lâk hmun thenkhatah chuan in a sak belh mup mup a, pâwn lam atanga sawiselna pawh a dawng zui nasa hle. Mahse, Israel chuan mahni ram chhunga in sak chu inthlahrun chi- ah a ngai si lo. Ram thianghlim then hrang zâwnga hmala reng reng chuan an tuar deuh zêl. Zawlnei Zakaria sawi lâwk angin Jerusalem chu mi dangte tan
ruih novah leh rit takah a la chang ngei dawn a ni (Zak. 12:2, 3).

US hi Israel tan lo thei lo dinhmunah a ding a. New York khawpuia Wall Street-a tangka sumpui vawngtu Juda mi 6,000,000 chuang zet mitmei vên vang hrim hrim pawhin a tan ang. European Union, NATO, Japan leh China-te pawhin an tan a rinawm. Russia erawh chuan Arab ramte a tan reng thung ang. Nuclear
ralthuam nei tawhten ram dangin an neih ve loh nan theih tâwp chhuah mah se, nuclear ralthuam neih tum lah chu an pung tual tual mai si a.

Kum 2010-a chhût danin Israel ramah khuan Juda 40% vêl an khawsa a, ram dangah 60% vêl an la awm. Isaia 43:5-7-ah Judate chu pakhat tê pawh bâng lova
an rama hruai kir leh vek an nih tur thu kan hmu. Mahse, hruai khâwm vek an nih hmain mi thianghlim lâwr a lo thleng ang.
Remna leh muanna denchhena sakhua zawng zawng inpawm tawnna tura hmalâkna pakhat inter-faith dialogue te, electronics media (information technology)-a khawvel hmasawnna thang chak tak mai te, Pathian thil aia khawvel thil ngaihsakna hluar tual tual te hian khawvel tâwp hun a thlen hnaih tawhzia a tlangau a ni.

Indopui III-na chung-changah Albert Einstein-a chuan, “Indopui III-naah chuan eng ralthuam nge an hman
dawn tih ka hre lo na a, Indopui IV-na chu hmawlh leh lunga indona a ni ang,” a ti. Hetiang deuh hian Lord Louis Mountbatten-a pawhin, “Indopui III-na chu
nuclear ralthuam hmanga indona a nih chuan, indopui IV-na chu thala indona a ni ang,” a ti ve bawk. Hun hmâwrah kan chuangkai tak tak ta tih hi haider chi a ni
lo.

Amen, lo kal ta che, Lalpa Isu ti thei turin inpeih mai rawh le.

Lehkhabu râwnte
—Britanica Ready Reference Encyclopedia, 2006.
—Kunga, Lalthan. Ni hnu-hnungte. Vol. 1 & 2. J.P.
Offset Printers: Aizawl, 2011.
—Lalfakzuala, Rev. Thuthlung Hluia Israel-te Chanchin.
Loise Bet: Aizawl, 2007.
—Apocalypse 2012 ziaktu John Claeys-a thu ziak.

Hmunțhakawn kawngpui

Khawchhung kawng pawh an blacktop hnai tawh e

MLA Cup a RECCOM dawr siamna ațang kan hlep te Managerin Fin.Secretary hnena a hlan lai