FAQ (ZAWHNA LAR ZUAL LEH CHHANNA)

►Zawhna: Rengdil.Com hi engnge a nih?
◄Chhanna: Rengdil.Com hi Rengdil khuain kum za (100) kan tlin kan lawmna tur atana inbuatsaihna leh kan lawmna tur atana project pakhat a ni.






►Zawhna: Rengdil kum za (100) tlin hun tur chu eng tikah nge?
◄Chhanna: Ni 12.1.2012 ah.

►Zawhna: Rengdil.Com hi Website a ni em?
◄Chhanna: Ni e. Website han tih ngawt hian chi hrang hrang a awm avangin chian loh pawh a awm tho e.


►Zawhna: Anih leh he website address ah hian blogspot tih te hi a ni si. Engnge a awmzia le?

◄Chhanna: A chunga sawi ang khian website han tih hian chi hrang hrang a awm. Entirna'n - Facebook, Wordpress, Wap, etc ang te hi website vek an ni. Chutiang zingah chuan Blogspot hi a lar pawl tak a ni.

Zawhna: Website leh Blogspot hi sawi hran theih a ni em? Ka la chiang chuang lo!

Chhanna: A ni ngawt mai! Website han tih ngawt mai hian a kawh ber chu mimal, dawr, pawl ho leh sawrkar-in emaw inbiakpawhna, inzawrhna, intihlarna, information, etc tarlanna tura internet kaltlanga thu leh hla, thlalak, video leh thildang dang lehkhaphek leh lehkhabu anga ena chhiar mai theih tura an buatsaih hi a ni vek mai a.

Amaherawhchu, chu'ng website ho chuan a siamtu azirin tih theih leh theih loh leh zirang chi hrang hrang a nei hrang fir fer thung a ni.

Tun hma deuh hret kha chuan Static (khawih chet mai theih loh) leh non-static/dynamic/responsive (khawih chet, khawih kal, android screen hmang pawha khawiha insiam danglam thei) a thenhran deuh pawp thin kha a ni a. Tunah erawh chuan static ah rau rau pawh khawih/click-a danglam thei website design pawh alo tam ta.

Blogspot, Wap, Wapka, Wordpress, etc te pawh hi pawisa chawi ngai lova a siamtuin alo siam (design) danglam theih tura website company (ti mai ila) te'n a design bulpui an duan sa a ni a. Amaherawhchu, zahmawh leh fakna lam lo lang ve tawp (pop up)thin te awm lo tur leh a tira a design-tute design tel loh si, alo design (Admin/Webmaster/Creator) leh chhawngtu thiamna thuk leh thuk loh azira khawih danglam (tweak/crack) theih tak an ni vek thung a ni.

Sawi tur a tam, kan sawi seng lo!

Zawhna: Anih leh, Rengdil.Com ah hian thu emaw thlalak leh video te dah duh ta ila engtinnge tih tur?

Chhanna: Author i nih loh chuan reaction, comment, email thawn leh Duh duh sawina huang ah te lo hi chuan tih theih i nei lo. Mahse, hetiang lama mi tui leh inzir mi tak i nih chuan author nih i dil ang a. Tuna a enkawltute'n tha tura an ngaih che chuan author-ah an dah mai ang che.

Author ni lova thu leh thildang dah duh i neih chuan NOTICE tih huana mobile number tarlanah hian i contact mai dawn nia.

Zawhna: Comment hi ka pe/siam thei lo, helamah hian ka hian ka hriatna a tlem lutuk a.

Chhanna: Comment i chhut zawhah "comment as" tih atang khan a comment tu nihna (nangmah) lo lan dan tur i thlang ang. Chumi zawhah publish tihah hian i click mai ang. Anonymous i thlan chuan "reCaptcha" lo lan i nghak ang a. ReCaptcha ah chuan "I am not a robot" tih bulah khan i click ang. Chumi zawhah publish i click leh mai ang. 

Account ilo neih sa (Google, Yahoo, etc) hmanga comment i pek duh dawn chuan publish i click zawhah chu i account neihna ah chuan i in "sign in" na tur alo lang te te ang a, i "sign in" hnuah publish tih click leh mai tur.

Zawhna: Anih leh hei "Duh duh sawina" hi ava tha ve? Mahse engtinnge ka duh duh ka rawn sawi ve tak ang, kei hetiang lama tawn hriat nei lo tak hian?

Chhanna: Ania sin! "Duh duh sawina" hi a tha reuh khawp asin! Comment pek dan ang deuh khan i account neihna sa (tarlan sa ho)- facebook, tweeter, chatroll,etc hmanga i duh i sawi dawn chuan chutah chuan i click phawt ang a, i account-a i in "sign in" hnuah i duh duh i sawi tawh mai dawn nia. Guest anga i tih dawn chuan "Guest" tih kha i click phawt thung dawn nia.

Zawhna: A va lawmawm ve aw!I fel lutuk, hmeltha bawk si!

Chhanna: Keini pawh kan lawm e. Zawhna dang pawh zawh theih zel ani e.