Kan pi pute khan sa an awh leh an kahin a sa zawng zawng chansawm mai loin, kawngkal nei takin an chan țhin a ni. Sa kap/awktu chan tur bik te, lal sa chhiah turte leh thirdeng sa turte an tihrang hmasa vek țhin.
A kap/awktu sa an tih chu a lu te, a ngum te, a lung te, a thin phel phawk te leh a pumpui țhente a ni. A dar phawh hlawk pakhat chu lal sa chhiah tur a ni a, a zang ruh tan bun, a nakruh lehlam 2 emaw, 3 emaw huam tel chu thirdeng sa chhiah (thirdeng sa nak) a ni. Khaw khata thirdeng 1 aia tam an awm chuan sa kap/awktu kaina pum neitu hnenah pek a ni țhin.
Sa kaptuin mi silai a hawh a nih chuan a bawp lehlam phawh hlawk chu silai hman manah a pe țhin.
Tichuan, sa an chan rêng rêngin heng sa kawngro su laite hi an chan tel lo a, a kalna turah an kaltir hmasa vek țhin a ni. Sa chhiah nei chin chu sakhi leh a aia liante an ni.
Lal sa chhiah, thirdeng sa chhiah an pe ngei ngei a, mi silai an hawh chuan silai man an pe bawk țhin a ni.
No comments:
Post a Comment