-Maawmi Ralte Kawlni
Thikthu chia kan tih te ho reng reng hi tawng pawngin an Thikthu a chhe ngawt lova, thinlung nataka hliamsak lo tuar tawh tute chungah he Natna hi a lo thleng thin.
An kawppui te rinawm loh emaw nula tlangval an nih laia an Bialnu bialpaten an lo rinawmloh san tawhte an ni thin. Chhan leh vang awm lovin mi tumah a thik ngawt theih lo. Thik tur a hmu a a thik a ni mai. Thik tur hmulo na na na thik ngawt thu awmlo.
Chuvangin kawppui thik thu chhe tak i lo nei palh hlauh a nih chuan a thik loh dan tura awm leh enge a thik a, a chhan zawn chhuah hi i hna a ni.
Thikthu chhe hrim hrim an awm a lawm i ti maithei. Mithi in ah te , puipunna hmunah Mizo chu mipa hmeichhia thlir hrang em em lova thut ho te kan nei nual mai. Thikthu chhe hrim hrim ho hian chutianga midang daih, a kawppui pawh nilo a lo thutpui changin a thik miah che ka ring lo.
Kawppui ten "ka nupui /pasal hi chu a thik thu a chhia a nia" an tih chuan ANMAHNI HMAI BAL PHIHFAINA CHIKHAT a ni tih lo hriat sak la, chutianga tawng pawng pawng ho reng reng chu han chhui chiang ila, engemaw anmahni lamah a lo awm nge nge thin. Upain pan lovah tho a fu lo an ti, hei hi a dik thawkhat fu.
No comments:
Post a Comment