HUN LAWMAWM

-TC.Lalhlimawma

Pathian khawngaihna chu sawtpui lova in hmuh lohna turin..... kan ngen chiam a che u.

"Hun lawmawmah ka ngaithla che a,
Chhandamna niah ka tanpui che,"
a ti si a.

Ngai teh u, tu  hi hun lawmawm chu a ni a; ngaiteh u, tun hi chhandamna ni chu a ni. 2Kor 6: 1&2.

Pathian hnen atanga a khawngaihna kan dawn hi kan sawtpui nge sawtpui lem lo? Pathian thu keimahni a lo thleng hi thu mai in nge a lo thlen thiltihtheihna (power) nen?

Pathian khawngaihna kan dawn hi amah ringtuten kan sawtpui ngei theih nan hun lawmawmah min ngaihthlak a, chhandamna niah tanpui min tiam a ni.

Hun lawmawm leh chhandamna ni chu tun a nih thu kan hmu leh a. Tun huna amah kan hnaih hi Pathian khawngaihna kan sawtpuina tur chu a lo ni ta.

Hun lawmawm tih hi acceptable time tihna a ni a. Chu acceptable time chu tun hun hi a ni. Kan hun kal tawh kha chu thawnthu an chang tawh a, naktuk/nakin kan tih hi suangtuahna mai a ni bawk. Hun kan kuta awm chu tun hun chiah hi a ni a. Tun hun kan hman mekah  hian Pathianin min ngaithla a, tanpui min duh a ni.