KUHVA ECONOMY

                                                                       -TC Lalhllimawma M.A (Eco).,B.Ed

Chanchinbu leh Whatsapp lamah Rengdil khuain Kuhva man atanga Cheng Nuai 180 chuang an tel thu han hmuh chu a nuam hle mai. A lawm nan Kuhva kung khat pawh nei lo leh Kuhva mana Cheng khat pawh tel lo hian thu kam hnih khat kan thai lang ve zawk ang e.

1. Zual Zelin: Rengdil khuain kum 100-na lawm tura kan inbuatsaih chhoh mup mup lai a, Kuhva hmanga khaw hming kan han chher thar hi a va lawmawm em. Hmabak erawh chu kan la neiin ka hria.  Ka hriat sual loh chuan nikum-ah Zamuang khua in Nuai 200 vel, Bilkhawthlir-in Nuai 300 vel Kuhva man an lei a ni awm a. Mizorama Kuhva atanga sum la lut hnem ber khua nih i tum teh ang u khai.  

2. Kuhva Expert: Kuhva thar tam ber khua ni satliah ngawt lovin, Kuhva expert ber khua nih i tum teh ang. Kuhva nursery siam ringawt pawh eizawnna tlak leh tlingah kan siam ang. A chin atanga a puitling thleng enkawl dan chu 'ka vaibel' tih tlukin kan chiang ang. Kuhva rah lawh dan awlsam, khawl mawl te hmangin a siam dan a awm ang em? Emaw, kuhva hi hniamte-a rah tir dan hmuhchhuah te tum ta i la!

3. Man To Zawkin: Man man (man to) zawka kuhva rah hralh a nih theih dan turte kan hmuchhuang bawk tur a ni. Chu mi tur chuan a dah that (preserve) dan tha te kan hriat a tul. Kuhva rah dahkhawlna lian (warehouse) te pawh kan mamawh ang a. He ti lamah chuan Sorkar tanpuina te pawh a beisei theih ang chu, NLUP-ah sum a tam. Kuhva rah man to zawka hralh tur chuan a market hi uluk taka zir chian hmasak te pawh a tul em em a ni.